follow

Жигнэмэгийн хулгайч

Огноо: 2010-05-09 , Төрөл:


      Онгоцны буудал дээр нэг эмэгтэй өөрийн хуваарьт хөлгийг хүлээн сууж байлаа. Онгоц нисэх хүртэл нэлээд урт хугацаа байлаа. Тиймээс онгоцны буудлын дэлгүүрээс нэг жигнэмэг нэг ном худалдаж авав. Ингээд өөртөө нэг суудал олж аваад номоо шимтэн уншихын зэрэгцээ хааяа нэг гараа сунган жигнэмэгээ нэг нэгээр нь авч идэж байлаа. Хэдийгээр хамаг анхаарлаа номондоо төвлөрүүлсэн байсан ч хажууд нь ирж суусан нэг залуу өөрийнх нь жигнэмэгээс хээв нэг аван идээд байгааг анзаарахгүй байх арга байсангүй. Залуу хээв нэг идээд байхаар нь бүр дургүй нь хүрч эхлэв. "Хэрвээ би боловсон хүн биш байсан бол энэ залууг нэг сайн дэлсээд авахгүй юу!" гэж бодож байлаа. 

cookie

      Эмэгтэй жигнэмэг рүүгээ гараа явуулах тоолонд залуу ч гэсэн ичих ч үгүй гараа сунгаж байлаа. Тэр хоёр ийнхүү уралдаж идсээр байгаад ганц жигнэмэг үлдэв. Бүсгүй одоо энэ яах бол гэж бодож ч амжаагүй байтал нөгөө айхтар залуу гараа сунгаад үлдсэн ганц жигнэмэгийг аван дундуур нь хоёр хуваагаад талыг нь эмэгтэйд өгөв. Залуугийн энэ байдалд хүүхний уур маш их хүрсэн ч арай хийж биеэ барилаа. Яг энэ үед эмэгтэйн явах чиглэлийн онгоц зорчигчдоо дуудан зарлаж эхлэв. Эмэгтэй залуугаас салахын түүс болон баярлаж хурдхан босон цүнх номоо аван босчээ. "Жигнэмэгийн хулгайч" руу эргэж харсангүй. 
      Ингээд онгоцондоо ороод сандал дээрээ тухлан суугаад цүнх рүүгээ гараа явуулсанаа дуу алдав. Учир нь онгоцны буудал дээрээс авсан жигнэмэг нь цүнхэнд нь байж байлаа. "Энэ чинь одоо юу вэ! Энэ миний жигнэмэг бол... Яанаа!" гэж өөрийн эрхгүй дуу алдав. Залуу жигнэмэгийг нь дураараа авч идсэн эмэгтэйд юу ч хэлээгүйгээр барахгүй сүүлийн жигнэмэгээ хүртэл хуваажээ. Уучлалт гуйхад хэтэрхий оройтсоныг ойлголоо. Хүний юмыг зөвшөөрөлгүй хээв нэг дураараа авч идсэн "Жигнэмэгийн хулгайч" бол өөрөө байлаа


By Boldkhuu Batbaatar with 7 сэтгэгдэл

7 сэтгэгдэл:

  • Anonymous says:
    May 10, 2010 at 10:41 AM

    энэ өгүүллэг сургамжит өгүүллэг номон дээр байна лээ.

    хэн нь хулгайч болж таарав аа. бодвол дээрхи номыг эрхлэн гаргагчид бас хаа нэгтээгээс шаагаа биз.

  • Boldkhuu Batbaatar says:
    May 10, 2010 at 10:57 AM

    Тийм үү. Интернетээс олдсон эд. Нээрээ "Би бичээгүй шүү" гэж доор нь бичиж зохиогчийн эрхийг хүндэлдэг юм билүү /Шоронд орохоос айв/. За даа, хэн нэгэн уншаад, нэгэн зүйлийг бодож, түүнээс сэтгэлийн цэнгэл эдлэж л байвал "Сургамжит өгүүллэг"-ийнхэн баярлах биз дээ.

  • Gansukh B says:
    May 14, 2010 at 8:00 PM

    Бидний бодсон, дүгнэсэн болгон зөв байдаггүй. Тиймээс аливаа зүйлсэд сэтгэл хөдлөлөөр хандахгүй, олон талаас нь бодох хэрэгтэй юм.

  • Boldkhuu Batbaatar says:
    May 14, 2010 at 8:47 PM

    Тиймээ. Гэхдээ бид орж ирсэн бодол болгоноо цэгнээд байвал хэт удаашралд орно. Өөрөөр хэлбэл бид рефлексээ барьж дийлэхгүй. Би өөрийн жигнэмэгээ идсэн гэсэн бодол тэр бүсгүйн тархинд бат байгаа болохоор дараагийн бодлууд түүн дээр л тулгуурлана. Идэхээсээ өмнө "Үнэхээр би өөрийнхийгөө идэж байна уу, үгүй юу" гэж бодож байх нь хэцүү байх.

  • FnaticSase says:
    June 3, 2010 at 1:09 AM

    Хүний амьдралд юм юм л тохиолдоно. Ганаагийн хэлсэнг буруутгаж чадахгүй ч юманд сэтгэл хөдлөлөөр хандахийг бас буруутгаж чадахгүй байна. Энэ өгүүллэгний хувьд хүний мартаж санахыг алийг тэр гэхэв гэж бодож байна

  • Адъяа says:
    October 14, 2010 at 11:34 PM

    Ер нь тухайн үед хүн юу гэж бодно тэх бодолоороо л байдаг шүү дээ. Хүн буруу юм хийж байгаа ч гэсэн тэрийгээ зөв хэмээн бодсон бол үргэлжлүүлэн хийсээр байдаг шүү дээ. Тэгэхээр Гансүхийн хэлсэн зөв болов ч нэг талаасаа өрөөсгөл санагдав.

Post a Comment